Curfew inthlazal a ni sung hin nidang ang bawkin motor hai an tlan inlawn bakah mipui hai chu bazar hai kaiin an mamaw thil hai an inchawk tawl. Zani hmasa laia Golaghat khawpuia nuorna neitu le Police hai inbeituonaa mi 2 in thina an tuok leia boruok nasa taka hung sosang leia curvew hi zama um a nih.
Assam Home Commissioner GD Tripathi chun, ramri buoina leia khuo 15 suksieta um hai enfelna chu zanikhan zo a ni ding thu le a dang hai chu a zinga thawzo a ni ding thu a hril. Assam le Nagaland ramri-a ramri thua buoina lei hin In 600 vel raw a nih tiin Tripathi chun a hril a, mi 8000 hai chu relief camps haia an um a, sawrkar chun In suksiet vawnga um neituhai kuoma ṭhangpuina Rs. Rs 50,000 le thla khat sung fak le dawn a pek ding thu Tripathi chun a hril.
Loading....