CCPur, August 21, 2014: Zani August 20 khan CCPur Govt. College Hmar Students’ Association (HSA) Unit ṭhuoitu ding thlangna CCPur College-ah nei a nih.
Nk. Jenny-in Pathien kuomah ṭawngṭaina a nei zoin Tv. Joseph Lalhmingthang, President, HSA CCPur Govt. College Unit (Out Going/OG)-in inhmelhrietna hun a hmang a; Tv. Charles Lalenglien, Vice President (OG) in thuhmahruoi hrilna a nei zoin, term hluia ṭhuoituhai inhmelhriettirna member fekhawmhai lai a nei bawk. Chu zo chun Hmar hnam Anthem, “Aw kan Hmar ram...” ti hla ngir puma sak ruolna nei a ni zoin inthlangna ṭan nghal a nih.
Kum 2014-2015 sunga ṭhuoitu dingin president Tv. Timothy D. Sinate, vice-president Tv. Jacob Ramthanei, secretary Tv. Joseph Lalthazuol, asst. secretary Tv. Hosea Lalrochang, finance secretary Nk. Kimkim, treasurer Nk. Roparmawi hai chu ballot-paper hmanga thlangtling an nih. Hi huna hin Tv. Lalthanzau vice-president, HSA CCPur JHQ chu presiding officer le Tv. LRS Puruolte i/c advertising & media, HSA GHQ PJCC chu recording secretary-in hmang an nih. Ṭhuoitu thlang thar hai chu hi huna hin thu insamna nei pui nghal bok an nih.
Tuta term-a CCPur College Student Union-a hin HSA chun Secretary Magazine an chang ding niin thu ei dawng bawk. Kar hmasak August 16 khan CCPur College HSA Unit hin HL Daka Memorial Hall, HSA Campus, Rengkai-ah Freshers’ Social Meet 2014 chu puithu takin an lo hmang ta bawk a nih.
Loading....