MZP chun, Central YMA-in minister BD Chakma ban dinga Mizoram chief minister kuoma an ngen chu ṭha an ti thu le an thlop thu an hril a, “CYMA hi a ṭul ang peiin ṭhangpui kan inring zing a nih,” tiin an hril.
Zirtirtu nilai mek le zirtirtu ni tum mi ṭhenkhatin zirtirtu training tah certificate tehlem an inchawk theina dinga certificate tehlem zor an um ni a hrilin, MZP chun, zirtirtuhai le zirtirtu ni tum mek hai chun certificate tehlem hmang lo ding le inchaw lo dingin an ngen a; certificate tehlem zor le siem theituhai chu man a, an phu tawka hrem dingin thuneituhai an ngen bok a nih.
MZP chun, Mizo ṭhalai tam lem central service-ah an lut theina dingin Mizoram-ah coaching centre changtlung tak siem dingin sorkar an ngen a; Mizoram-a inchukna tieng harsatnahai chingfel a ni theina ding le inchukna kalphungin hma a sawn lem theina dingin Mizoram Education Service siem vat dingin sorkar an ngen bok a nih.
Loading....