Mizoram Excise and Narcotics department-a Anti Narchotic Squad hai chun nilaini April 30 khan Seling-ah Vanlalrinsanga (k. 20) an man a, a kuoma inthokin heroin gram 70 vel Rs. 3.14 lakh man hu vel ding an man bawk. Vanlalrinsanga hi Mizoram le Burma ramri Zokhawthar khuo mi a nih.
Hi ni vek hin Customs and Directorate of Revenue Intelligence hai chun Melbuk khuo a chun an dap a, Methamphetamine damdawi mum 10,000 an dapsuok a, a neitu ni dinga ring Burma-a Khawmawi khaw mi Lalruaipuii (k. 26) le Lalnunpuia Bawitlung (k. 45) hai chu an man sa bawk. Thuneituhai hrildan chun an damdawi man hi Rs. 1 crore man hu vel ding niin an hril.
