Kokrajhar-ah darkar 12 sungin mi 11 that

Kokrajhar, May 02, 2014: Zani anthok darkar 12 sungin Kokrajhar district, Assam-ah mi 11 that an ni ta thu ei thu lakna chun a hril. Kum hni liemtah lai khan hienglai hmuna hin hnam le hnam buoina lo suok ta kha a nih.

Assam sorkar chun buoina chingfel dingin para military force comapny 10 hienglai hmuna hin a tir taa, Army hai khom inring dingin a hril lawk bok a nih. Kum 2012 khan Bodo le Mosolman hai kara buoina a suok a, mi tamtakin hring an chan a nih.

Mi 11 that hai hi hmun dang danga thil tlung a nih.

Bodo helpawl National Democratic Front of Bodoland (NDFB) ni dinga ringhla hai chun Kokrajhar huom sunga Tulsibil-a khuo pakhat a chu a bei a, mi 8 an kap hlum a, mi 3 an hliem bok a nih. A thi hai lai hin naupang 2 le nuhmei 4 an thang bok a nih.

Kokrajhar huom sung tho Baksa hmun lai khom NDFB helpawl ni dinga ringhla hai chun mi 3 an that an that bok a nih.