Minister le PS hai Car inchawkna dingin Rs. 34,150,000

Aizawl, May 27, 2014 (HT): Mizoram sawrkar chun Ministers le Parliamentary Secretary hai hmang ding Cars inchawkna dingin Rs. 34,150,000 riruong a siem a, hi thua hin Treasury chun March 29, 2014 khan Challan No. 32642 an sukfel tah.

Mi pawimaw hai motor a pekkim thei naw lei bakah motor hlui 23 zawr thlawng ding a nei leia sawrkarin minister le parliamentary secretary hai hmang ding motor thar inchawk a tum a nih tiin Secretariat Administration Department (SAD) chun an hril.

Mizoram Congress sawrkar hmasa khan April 17, 2009 in Minister hai hmang ding Verna Car 11 an chawk a, car pakhat manin Rs. 7,13,961 a seng a, Car 11 inchawknaa sum a hmang chu Rs. 78,53,571 a nih. Parliamentary Secretary hai hmang ding Car 6 inchawk nawk a ni a, Car pakhat manah Rs. 7,13,961 seng, car 6 manin Rs. 42,83,766 a seng.

Congress sawrkar hmasain Minister 11 le Parliamentary Secretary 6 hai hmang dinga Verna Car 17 an chawkna sum a seng zat chu Rs. 1,21,37,337 a nih. MNF sawrkar lai January 12, 2005 khan Minister hai hmang ding Baleno Car 12, car pakhat manah Rs. 6,59,308 seng le Car 12 mana sum an seng chu Rs. 7,911,696 a nih tiin ei thu dawngna chun a hril.