Parbung-ah Kohran hotuhai inṭhungkhawm

Parbung, May 12, 2014: Parbung, May 12, 2014: Kar hmasak Inrinni May 10 khan Tipaimukh sunga Kohran (ICI, EFCI, AG, RPC, EAC) hotu, district-a incharge hai chu RPC Dev. Office, Parbung-ah an inṭhungkhawma, Hmarram ta dingin iem thaw pek thei an ta, ti ngaituoin hriltlangna an nei.

Kohran hotuhai inṭhungkhawmnaa hin Hmarram-a kohran hotu hai chun ei ram del ngirhmun enin, kohran hotu ha’n iem thaw thei an ta, ti ngaituoin hriltlangna hunin sunnithlak an hmang niin thu ei dong. Hi meeting a ṭhanghai po hi thla nawk June 3 khin meeting neina hmun a bok hin inṭhungkhawm nawk an tih.