Hi film hi C. Hmingthangvunga, Lalchhanhimi le Ramhmangaihsangi hai chu a changtu-in an ṭhang a, C. Hmingthangvunga film siem laia a pakuo-na ding a nih.
“Khuanu Samsuih” film hi hmangaina chanchin, inneina ditnaw leia nunghak le tlangval tlanhmangna thu a nih.
A siemtu le changtupa Hmingthangvunga chun, "’Zodinpuii’ film nek khan technical tieng changkang lem a tih," tiin a hril.
A script hi “Chhingkhual Lanu” ziektu Jenny H. Vanlalveni ziek a nih.
“Zodinpuii” film suksuok ang bokin, hi Mizo film thar khom hi suksuok hunah Veng dang dang-ah big screen-a suksuok ning a ta, tu tak hin suksuoktu dinga lo bie lawk YMA Branch hrang hrang 13 zet an um taa, hieng hai laia branch 11 chu Aizawl khawpui sunga mi an nih.
“Khuanu Samsuih” film hi darkar 1 le a chanve vela sei ning a tih.
Hi film siemna ding hin Rs. 5 lakhs vel sengso dinga bituk nisienkhom a nek tam seng ani ding thu ei thu lakna chun a hril.
Hi film hi Part I le II um dingin riruong a nih.
