Court-in ‘meth’ neitu kum 4 lung-in intang dinga hrem

Aizawl, July 29, 2014: Methamphetamine damdawi, Chiahpuam ti a hriet lar, a kol leia man Burma Tahan khaw suok Khenthanga (k. 47) s/o Ramhleia chu special judge Lucy Lalrinhari chun kum 4 lung-in intan ding le Rs. 5,000 chawi dingin a hrem.

Mizoram Excise & Narcotics Department (END) thusuok tarlang danin, Khenthanga hin liemtah July 4 khan Burma anthokin heroin gram 133 le methamphetamine mum iemanizat Aizawl-a zor dingin a phur lut a, END chun Dawrpui Veng khawtlang duty hai leh ṭhangkopin July 6 khan an man pek a nih. Special court chun Khenthanga thubuoi or a hin thutlukna siemin thiem naw an changtir a nih.

END-in an hriet thei chin-ah Khenthanga hi Mizoram-a methamphetamine leia Court-in thiem naw an changtir hmasa takna a nih.