Phulpui branch YMA president Lalparliana Ralte hrildanin, Lalrinpuia le Lalrosang hai hi Tuirivang vadunga an tlakna thlang lok li-ah hmu an ni a; li-ah hin ruo an phun a, ruo an tawk chang velna-ah naupang pakhat lem a’n lang suok a, lak suok tuma an buoipui mek laiin pakhat dang khom an hmu ve nawk nghal niin a hril.
Naupang pahni bo zong ding hin zani khan Chhimphei tlangdung khaw hrang hrang le Aizawl anthok iemanizat an inthok suok a, bieltu MLA KS Thanga ngenna angin Sairang-a tui lilut thiem mi iemanizat khom mibo hai zongna dingin Phulpui an tlung hman a nih.
Lalparliana Ralte chun, khuo danga mi tlawmngaia mibo zongpuituhai po po chung-ah Phulpui khuo chun a’n lawm tak zet thu a hril bawk.
