Thla 3 liemtah May 9 khan mimkei leiin nasatak leiin Haflong-Silchar NG 54(E) lampui siem ṭhatna sin chu nasatakin a suksiet a, Boro Muolkoi khuo hai in 30 le huon iemanizat a suksiet bok a nih. A khawmi hai chun an khuo’n sietna a tuok National Highway le Railways-a thuneituhai lei a nih, tiin an intum a, an kuoma inthokin zangnadomna an phut a nih.
Deputy Commissioner le thuneitu dang dang hai chu hienglai hmuna fe-in endikna sin an neia, hriltlangna an nei zo chun lampui siemtu NH le Railways haiin hieng lai hmuna hin hnuoi inthuk tak an cho leiin sietna hi a tlung ti inrem a ni a, hi thubuoi hi an hmatienga sukfel dingin lampui siemtuhai chu hril an nih.
Hienglai zing hin NH thuneitu Mathur chun, NH authority chun ram zangnadawmna chu pek an ta leiin an pek thei ta naw ding thu a hril. NF Railways-a Deputy CE Chowdhury khomin mimkei nasatak tlungna chungchang zawna indon a niin, mihriem inrolna um loa thiltlung a ni thu a hril bok a nih.
A khawmi hai ruok chun NH le Railways hai hnuoi cho lei hin an in hai a kak a, an huon hai khom vadung tieng a chim niin an hril ve thunga, NH le Railways thuneituha'n an thilthaw leia sietna an tuokna zangnadawngna an pek naw chun lampui siemṭhatna sin siem sunzom dinga phalna an pek chu an dang nawk ding thu an hril.
