An i man damdawi hi international market-ah Rs. 2.67 crore manhu vel ni dinga sut a nih.
BSF hai hrildan chun, an i man Lalzawmliana (k. 52) ni a inhril hi Silchar anthoka km 6 vela hla a um Masimpur cantonment anthoka man a nih. Lalzawmliana hi Burma Chin Hills-a Tahan khuo mi a ni a, a damdawi hi India le Burma ramri Tamu anthoka a lak ni a hril a nih.
Narcotics specialist hai hrildan chun, hi meth damdawi thar an i man hi chemical hrang hrang sukpol ‘WY tablet’ ti a hriet a ni a, India-ah Hindi-in "Bhul Bhuliya" ti a ko a ni hlak bawk a, meth damdawi chi hrang hrang laia vang pawl niin an hril. Hi damdawi mum hi serthlum rong le rong hring inkop a ni a, a mum-ah “R” amani “WY” ti an ziek hlak a nih.
