Rel leilak insang tak hi Chenab vadung chung-ah daw tum a ni a, Jammu & Kashmir hmartieng infepawna ding a nih. Zofel a ni hun-ah hi leilak insang zawng chu meter 359 (feet 1,177) ning a ta, a sei zawng chu meter 1,315 (feet 4,314) ning a tih. A bawlna ding hin steel ton 25,000 vel a ngai ding thu hril a nih.
Tu taka khawvela rel leilak insang tak chu China-a Guizhou province huom sunga Beipanjiang vadung chung-ah daw a ni a, meter 275-a insang a nih.
Indian Railways thuneituhai chun an leilak daw ding hi kum 2016-a zofel an tum thu hrilin, lirinhning le thlipui khom dawl thei dinga riruong a ni thu an hril.
Leilak dawna sin hi kum 2002 anthok khan ṭan a ni ta a, amiruokchu, a himna ding chungchang hai inchuk chieng nawk a ni a, thli hratdan hai inchuk chieng a ni hnungin kum 2008 khan sin thaw hi chawlsan ri a ni a, kum 2 hnungin leilak daw phalna hi pek a ni nawk chauh a nih.
Hi project a sum seng zat ding bituk zat chu 92 million US dollars a nih.
Hi leilak hin J&K hmartieng Baramulla anthok Jammu zom a ta, inzin sung khom a chenva deu thawn a suk tlawm pha ding a nih. Zofel ani phat hieng hmun hai pahni hin darkar 6 le chanve vel chauh a aw ta ding a nih.
