Manipur-ah HIV positive hri nei 40,855

Imphal, July 22, 2014: Comptroller and Auditor General (CAG) report dungzui chun, March 2007 anthok March 2012 sung khan Manipur-a HIV positive natna hri nei 25,919 anthokin 40,855 zetin a pung ni a hril a nih.

Manipur Assembly House inhriettir danin, Targeted Intervention (TI) programme-a dingin Rs. 43.39 crore zet hmang ral nisienkhom HIV natna hri nei chu kiem tieng nekin a pung lem leiin High-Risk group laia invengna ding kongna sinthawna a hlawsam hle niin a’n lang thu hril a nih.

Report kimchanga inziekdanin, National AIDS Control Programme-III (NACP-III) dungzuia HIV natna sukremna dingin mipui lai inhrilhrietna le inrol theina nasatak thaw a ni am ti ruok chu ringhla a ni thu a hril.

Kum 2013 March chen report dungzui hin, HIV le Tuberculosis (TB) natna invoi thi ta hai sinsie an ninaw leiin HIV le AIDS natna hri nei hai laia TB natna leia thi sinsie an naw thu a hril bawk. Sinsiena dinga Rs. 3.5 crore hmangna khom a hlasam niin report chun a hril bawk.