Mizoram-a police officer pathumin mawhphurna an inhlan

Aizawl, July 22, 2014: C. Laldina (IPS) chun zani khan LR Dingliana Sailo (MPS) kuoma inthok Aizawl Superintendent of Police (SP) mawphurna a lak tan a, Aizawl SP hnuoia Aizawl khawpui sunga police officer hai a office thar-ah a titipui nghal niin ei thu lakna chun a hril.

Aizawl SP thar chun a hnuoia officer hai chu infuina thucha hrilin, police station-a fe reng reng hai chu an nuom renga fe ni niloin, police an mamaw leia fe an ni a, hawihawm taka lo buoipui vat vat hlak ding le beidonga inkirtir lo dingin an cha a; media a hrat zuol ta leiin thiltlungna hmun-ah inrang taka tlung nghal a poimaw zie a hril bawk.

C. Laldina-in a thlak LR Dingliana Sailo (MPS) khomin zani vek khan a sin thar 1st MAP commandant sin a zom a; 1st MAP commandant hlak Lalbiakthanga Khiangte (IPS) khomin Fire & Emergency Services director sin a zom nghal bok a nih.