1st MAP constable Malsawmkima hi zani hmasak zan dar 10 le 12 inkar kha a duty hun a ni a, voituk zing tieng khan a ruolpa silai le ama silai chawiin a tlanhmang ti hriet suok a nih.
Thu lakna-in a hril pei danin, Malsawmkima hin mi bike a hmang a, Tuiruong tieng a tlan ni a hril a ni a, lawngin Tuiruong mong tieng panin Patpuihmun Thingpuidawr-ah a lut ti chu a chanchin hriet hnuhnung tak a nih.
Malsawmkima hi Sakordai khawmi, nuhmei nau nei a ni a, Assam-a hai duty in alo um ta hlak a, tulai hnaih el a Sakordai-a posting a nih. Mi poisa a bat nuol ni a hril a ni a, zani hmasak zantieng khan New Vervek tieng mi poisa a puk bok ni a hril a nih.
Thu dang dong danin, a tlanhmang hma hin gas cylinder hai khom a zor nuol a, a umna hmasa Assam-ah gas a olsam leiin gas bur a nei nuol thu hril a nih. Mizoram-ah transfer a lo in thei si naw leia a zor anga an hril thu hai khom thu dongna pakhat chun a hril bawk. Hienga gas bur hai le insung hmangruo hai a zor nuol lei hin tlanhmang a lo tum reng niin ṭhenkhat chun an ring bok a nih.
Malsawmkima hi Hmar Peoples’ Convention (Democratic) helpawl hai leh inkungkeina a nei le nei naw ruok chu hrietchieng a ninaw a, hi thu buotsai lai hin Police ha’n a chungchang an suizui mek ni a hril a nih.
