MAP constable tlanhmang la zong zing

Aizawl, July 15, 2014: Zirtawpni zan lai vela 1st Bn. Mizoram Armed Police (MAP) constable HC Malsawmkima tlanhmang chu zong mek a la ni zinga, zani chen khan hmu a la ninaw thu ei thu lakna’n a hril.

MAP hotu hai hrildanin, HC Malsawmkima hi July 12 khan Hmar People’s Convention-Democratic (HPC-D) self-styled Sgt. Kunga-in Patpuihmun kai-ah a lo dongsawnga, Phulpui khuo tieng an pan ni a hriet a nih, tiin an hril.

MAP constable HC Malsawmkima hin police silai AK-47 rifle pakhat, a magazine 5 le a mu 150 leh INSAS rifle pakhat, a magazine 5 le a mu 100 a tlanhmangpui ni a hril a nih.