Mizoram-ah ‘SC & ST Act’ hmang thei ta ding

Aizawl, July 03, 2014: Zofa Welfare Organisation (ZWO) le a ṭhangruolpui Joint Action Committee hai chun thusuok siemin, India-a hnam hnufuol hai humhimna dan, Parliament-in kum 1989-a a pass tah “The Scheduled Castes and the Scheduled Tribes (Prevention of Atrocities) Act, 1989” chu Mizoram-a khom hmang ani ve ta ding thu an tarlang.

ZWO chun, “Gauhati High Court le Mizoram sorkar-in hi dan ei hmang ve theina dinga thil ṭulhai sukfel a, hi dan hnuoia complaint ei thelut hai chu ni 30 sunga sui zo dinga Special Court Judge-in thupek a’nsuo ta hi lawmum ei ti a, Gauhati HC le Mizoram sorkar chung-ah ei lawm tak zet a nih,” tiin an hril.

ZWO chun, hi dan hi Mizoram ta dinga malsawmna ani ngei an beisei thu hrilin, Mizoram-ah hi dan hi hmang ani ve ta ding leiin Gauhati High Court chief justice laka FIR an lo thelut ta khom an inhnuk kir nghal, ti an thusuok chun an tarlang bok a nih.