1. Literary Day Programme hi,HSA hi ko theitu nia kan hrietnaw leiin Hmar Literature Society Mizoram chun hi Programme ahin Hmar Literature Society Mizoram member tukhawm thangnaw nisien tha kan tih.
2. Hmar Literature Society hi Manipur,Assam le Mizoram ah ei uma,hienghai chunga hin Co-ordination Commitee khawm siem ani ta a hienghai hin Literature chungchang le a concern tieng thil hrim hrim chu a thaw ding a nih.
HSA in hieng chungchang thu a inkhawm a ko hi a kuong naw ding a nawr a ni ti hre hai sien, tuta hnung chu Hmar Literature Society nilo, Organisation dang hrim hrim in hieng tiengpang concern inkhawm hi ko ni ta ngainaw sien kan tih.
3. Hmar Literature Society Manipur, Assam le Mizoram hai in tarik ni 6, Mimtukthla 2013, but I&PR auditorium, Aizawl, Mizoram a inrawnkhawmna Programme a neina a alo pawmtlang ta angin "Hmartawng ziek dan chungchangah a tira inthawka A, Aw, B ei hang le ziekdan hi hmangzui pei nisien tha kan tih" ti hi kan ngirna a la nizing a nih.
4. Hmar Literature Society hmalakna a hun sawt tak,Hmartawng ziek le hmang dan mumal tak ei nei mek lai zing le University chena MIL (Hmar) text book ei nei mek laia, Hmartawng ziek dan le hmang dan inanglo / mumallo anga mithenkhat in ngaidan an nei mek hi pawi kan ti tak zet a, Hmartawng hin ziekdan le hmangdan thuhmun nei dinga Organisation dangin a hranpa hmalak hi a tulna um in kan hrietnaw bawk.
Sd/-
LALMALSAWMA DARNGAWN
Vice Chairman
Sd/-
J.LALVARLIEN PURUOLTE
Secretary
Hmar Literature Society Mizoram
15th July, 2014
