Brihanmumbai Municipal Corporation (BMC) thuneituhai hrildan chun, zanril lai Jai Bhim Nagar veng-ah building a chim a, building hnuoia zal mi 2 a del hlum a, pakhat a hliem bok a nih, tiin a hril. A hril pei dan chun, ruo sur nasat leia building bang chim niin a hril.
Zani vek khan hmun dang Ganesh Murti Nagar lai chun zing dar 10:30 velin in bawl ṭhat lai zing pakhat a chim leiin in bawlnaa ṭhang tleirawl pakhat a del hlum a, sinthawtu 5 dang khom an hliem bok niin BMC thuneitu chun a hril bawk.
Zirtawpni anthok khan Mumbai khawpui hmun hrang hrang-ah building le bang chim 9 zet a um ni a hril a nih. Ni 3 liemtah khan Mumbai, Thane le Konkan a hai chun ruo nasatakin a sur a, kar thar tieng khom hin a la sur nasa pei dingin hril a nih.
