Ei thu lakna’n a hrildanin, Lalhmachhuana le a ruolpa chu lo ṭu pakhat-ah lutin zu an dawn a; an dawn zo hin a ruolpa chu rawtuoi zongin a fesan nawk nghal a. Lalhmachhuana hin a bula ṭu pakhat-ah zu a dawn zo hnungin fe-in, ṭu-a nupui pakhat lo um kuomah fak ding a hni a. Nupuinu pasal tuichawia fe hung kir hnung khom chun Lalhmachhuana chun, “Bu fak khom inphal nawh, thingpui dawn khom inphal naw bok,” tiin a chier khuma. Nupa hai chun tum a ni ti an indon khomin a don bok si nawh. A hnungin thingpui an thlit pek chu a dawn a. Hi hnung hin Lalhmachhuana chun chemte phor dokin nupuinu chu vit a tum a, a pasal chun an nu chu sanin thingher a lak ve nghal a, zuruipa hnungzang-ah voi iemanizat a vuok hman a nih. Lalhmachhuana chu tuol-ah tlansuokin, a chemte chu nupuinu pasal le chun an inchu a, Lalhmachhuan hin a chemte ngeina tieng changin a kut khom inthuk rak lo a at nghe nghe a nih. Hi hnung hin Lalhmachhuana chu an man ta a nih.
Zu an dawna ṭu neitu chun a naupa phone a bie-in, Zonuam Outpost police hai an tlanthla nghal a, Zonuam khawtlang khom Zonuam Outpost-ah pungkhawm nghalin Aizawl South SDPO hai leh thukhawchang khawtlang ṭhuoitu hai leh an hriltlang a nih.
Zonuam Local Council-in thil umdan hrilin mipui hmu-ah chemte-a mi nu vautu chu Outpost sung-ah police haiin an inhmutir a, hi zo hin mipui khom an ṭin dar ve nghal a nih. Thilsuol thawtu lak-ah hin Outpost-ah thubuoi zieklut a nih.
