Shillong HSA Platinum Jubilee lawm ni ding son hnai

Shillong, July 16, 2014: Shillong-a Hmar Students’ Association (HSA) Platinum Jubilee lawmna October 4, 2014-a “U So So Tham Auditorium” (State Central Library) hmuna nei dinga committee-in alo rel fel ta chu Hall a remchang naw leiin son hnai a nih.

Shillong-a HSA inhriettirna dungzui chun, HSA kum 75 a tling lawmna neina hmun dinga ti “U So Soi Tham Auditorium” chu October thla sung po po sorkar-in an book vong leiin a ni thleng a ni thu hrilin, hung tlung ding September 25 khin HSA Platinum Jubilee chu U So So Tham Auditorium-a hmang lem a ni ta ding thu thusuok chun a tarlang.

Thusuok-in a tarlang pei danin, HSA duthusam danin Platinum Jubilee lawm ni hi Inringni a hmang nuom hai sienkhom, September thla sung khom neina hmun ding an book vong ta leiin Hall remchang dan takin hmang an tum el ta thu an hril a, mi tuelkhom tuta inthoka lo insingsa ta dingin an ngen nghal bok a nih.