YMA 'flying squad' suktawp

Aizawl, July 16, 2014: Central YMA (CYMA) hnuoia indin, Phunchawng le Rangvamual-a zu le ruihlo sukrem tuma duty hlak ‘flying squad’ hai chun duty an suktawp hri a, iengchenam an chawl hri ding hriet a ninaw thu ei thu lakna chun a hril.

CYMA president Lalbiakzuala chun, “Duty hai an sawl ta bak-ah, keini le keini riruong thar siem dam a ṭula, riruongna thar kan siem hma chun 'flying squad' hai hi duty ta naw hri dingin kan ti a nih,” tiin a hril a; MLPC Bill pass a ni leiin duty insiem ṭul ti nawtu khom an um thu a hril.

CYMA chun Rangvamual le Phunchawng-a dan loa um, hnam dang tam taluo ta hai, zu le ruihlo tam taluo hai chu sukrem tumin May 16, 2013 anthok khan hieng veng 2-a hin beipui thlakin, Aizawl khawpui sunga Branch YMA hai chu an duty insawk hlak a nih. Tu kum February thla anthok khan a nawlpuia duty chu suktawpin ‘flying squad’ hai hi an duty hlak a nih.