Vok pul hri PRRS a tlahnuoia ngai

Aizawl, July 03, 2014: Mizoram AH & Vety department officer hai chun zani khan minister C. Ngunlianchunga inrawina’n an directorate conference hall-ah Mizoram-a vok pul hri - Porcine Reproductive and Respiratory Syndrome (PRRS) - inleng ngirhmun thlirletna an nei a, Mizoram-ah PRRS natna nei an tlahnuoi hrat hle niin an hril.

Inṭhungkhawmnaa hin Disease Investigation Wing-in Mizoram hmun hrang hranga vok thisen an endikna anthokin PRRS natna a tlahnuoi hrat hle niin an hril a, a tlahnuoi nasan hi mipuiin AH & Vety department ngenna an ngai poimaw lei nia an hriet thu an hril.

Vety officer hai chun, Mizoram mipui an ṭhangtlang pei chun PRRS chu khuokhir thei an beisei thu an hril a, mipui hai chun AH & Vety hmalakna hai ṭawiawm pei dingin an fiel bok a nih.

Inṭhungkhawmnaa hin AH & Vety directorate le district hrang hranga Vety doctor hai an ṭhang a, NLUP hnuoia vokte mamaw haiin a lak dan ding le Central Sponsor Scheme le project hran hrana ngirhmun hai hriltlangna nei ani bawk.