CYMA hall-ah glazed tile mistiri training ṭan

Aizawl, August 13, 2014: Central YMA le Mizoram Labour, Employment & Industrial Training department ṭhangruol chun zani anthok khan Central YMA building-ah glazed tile mistiri training an buotsai ṭan a, LE&IT director Rotluanga-in hongna a nei.

Hongna inkhawm hi CYMA treasurer J. Lalsailova-in a ṭhuoi a; Rotluanga chun, glazed tile pha thiem chu kuttum ṭhang loa vai vuokna hmangruo ding a ni thu le Mizo ṭhalai glazed tile mistiri hai chu an taima a, an thiem a, an rinum phot chun an ta dingin sin thaw ding a tam thu a hril.

CYMA president Lalbiakzuala khomin, YMA kumpuong “Ram le hnam humhal” hlawtlingna ding chu intodelna a ni thu a hril bok.

CYMA hin a thokpuihai leh cement mistiri training voi 9 an buotsai tah a, mi 695 an training suok tah a nih. Glazed tile mistiri training hi voi khatna a dingin buotsai a ni a, ni 15 sung training ding a nih.