Thlirletna hi State TB officer Dr. Vanlalhruaii-in a ṭhuoi a, Dr. K. Ropari chun, TB enkolna RNTCP chu programme ṭha tak a ni thu hrilin, “Central anthokin hmangruo ṭha tak tak ei dong leiin thoktuha’n taima tak le ti tak zeta TB sukbo tuma sin ei thaw a poimaw,” tiin a hril.
Health principal director chun, “TB sukdam harsa bik MDR-TB natna invoi hmusuok belsa pei a ni leiin TB natna invoi ha’n damdawi ṭha taka an fak a poimaw, tiin a hril a, sorkar thlungpuiin inhriettirna a suksuok tah angin, private hospital le clinic hai khomin TB natna invoi an hmusuok hai RNTCP-ah an inhriettir pei ding a nih ti hrilin, “Hi hi TB natna dona kong-ah nasa takin a mi ṭhangpui thei ding a nih,” tiin a hril.
Dr. Vanlalhruaii hrildanin, tu kum January-June thla sungin Mizoram-ah TB natna invoi ni a ringhla mi 5,183 endik an ni a, chuonghai laia mi 1021 chun TB an invoi a, thla 6 sungin TB natna leiin mi 46 an thi a, chuonghai laia 15 chu TB le HIV hrik pai kop an nih. TB le HIV natna invoi kop enkol zat chu mi 104 an ni a, TB natna invoi enkol dam zat chu 91% a nih.
Thlirletna-a hin district hrang hranga TB officer hai an ṭhang a, voisun hin sunzom nawk an tih.
