TOPICS

Browse news based on the categorised topics:

Children’s Home Saikawt 34th Foundation Day

Posted by Lalremlien Neitham

CCPur, September 2, 2014 (HT): Zani (Sept. 1, 2014) khan Children’s Home, Saikawt indin a nia inthawk kum 34 tling “34th Foundation Day -cum- Birthday Celebration chu Anna Marie Rookmaaker Hall, Children’s Home campus-ah hmang a nih.

Hi huna hin Rev. Ros Infimate, General Secretary, RPCNEI chu khuollienin a ṭhang a, Rev. Saithanglur Joute, Secretary Mission RPCNEI le Rev. Edwin Darsanglur, Director, Dev. Department, RPCNEI hai chu khuol inzaum in an ṭhang.

Rev. Lalngailien Puruolte in ṭawngṭainaa hun a hawng zovin Home Manager Pu Hmanga F. Khawlum in keynote address hrilna le introduction hun a hmang a, fam lo chang ta hai sunna hun hmang a ni bawk. Hlasak ngaithlak le Peniel Girls han skits inentirna an nei bakah special item dang dang hai neiin khuollien le khuol inzaum han thuhrilna an nei
bawk.

Zan dar 6:10PM a zan programme hmangnaa chun Rev. Lalkhumvel Joute, DS Phairam Presbytery RPCNEI khuollienin a ṭhang.

Children’s Home Saikawt, hi fahra le chanhai tam tak ta dinga hadamna hmun a ni a, hi Home indin a ni kum 1980 a inthawk tukum (2014) chen hin naupang 924 umin, Pastors, technicians le line dang dangah graduates hai a lo ser suok ta a nih. Tuhin hi Home-a hin naupang (pasal) 129 le nuhmei (female) 52 umin thawktu mi 12 an um mek a nih.



SHOW YOUR ADS HERE

Blog, Updated at: 10:37 PM

Receive updates by e-mail

RECENT NEWS

RECENT COMMENTS

Blog Archive