Refresher course-a hin Poilice le VDF personnel 70 vel han thla khat sung training nei an tih.
K.Kabib, IPS, SP, CCPur chun, Refresher course hi Police personnel/VDF hai ta ding chau ni lovin, SP, SDPO le Addl. SP hai ta ding khawma ṭangkai takel, hrietna sukthar nawkna dinga ṭha a nih tiin a hril a. Tulai khawvel Crime/cyber crime nasa taka hung pung le hieng thil thaw tu hai hin var taki thil an thaw hlak leiin hiengang crime/cyber crime hai tukdawlna dinga ei lo intathriem a pawimaw a nih tiin a hril.
Ni 10 dan peia primary test umhlak a ta, training zona ding ni 4 la bakah exam um a ta, Police le VDF-a a thiem tak award pek ning a tih. Attendence ṭha taka en ning a ta, absentee hai Pathienni-a class inneitir ning a tih tiin SP chun a hril.
