Chaba Lakho-a IRB commandant Lokho hrildan chun, motor chetsuolnaa ṭhang motor hi IRB motor nisienkhom ama motor an naw thu hrilfiein, hieng hun lai hin motor chetsuolna hmun-ah a umnaw thu a hril bawk.
A hliem hai RIMS-ah ṭhuoituhai kuomah a lawm thu hrilin, “Chanchin kan hriet le inruolin kan mawphurnaa kan hriet chu hringna sanhim le ṭhangpui ngai haiin inenkolna ṭhatak an dong thei dan ding a nih,” tiin a hril a.
“Theitawp suoin a hliem hai khom kan ṭhangpuia, hi chungthu a hin ngaidan dang nei an um ruok chun hril tam ngai loin thudik chu nakie a hung inlang nawk el hlak a nih,” tiin commandant chun a hrilfiena-ah a tarlang.
Hrifienaa a'nziek pei danin, Maruti Alto hin IRB bus changtieng pang a pum lailung tak-ah a baw a, bus hi motor chin lem lo nisien sietna tlung ding chu ngaituo thei a nih, tiin a hril.
Maruti Alto hin IRB bus a baw zoin an vir a, IRB bus hungna tienga inthoka hung ve tho civilian truck pakhat khom a suk nghe nghe a, a sukna a hin Maruti Alto hi a suksieta, a sunga chuonghai khom a suk hliem ni lem a tih, tiin CO chun hrilfiena a siem bawk.
Hieng thiltlung lai hin tum a’ndik a, tunam a thawsuol lem ti ngaituona hun a umnaw thu hrilin, hi chungthu a hin First Information Report (FIR) khom zieklut an taa, thiemnaw changlem ding sui suokna sin le an chunga thubuoi siem chu Investigating Authority hai mawphurna an tah, tiin a hril bawk.
Loading....