CCPur-ah Diarrhea control programme

CCPur, July 31, 2014: Zani khan Churachandpur-a Chief Medical Officer (CMO) Dr. Thangchinkhup Guite chun a office-ah thuthar lakhawmtuhai inhmupuiin, zinga inthokin sungkhaw natna (diarrhea) sukremna dingin programme ṭan a ni ding thu a puong.

Kum 3 sungin kumtling lo pawngsuolna 500 vel

Guwahati, July 31, 2014: Kum thum sung khan Assam-ah kumtling lo 500 vel pawngsuolna thubuoi zieklut a ni thu ei thu lakna chun a hril.

KNO/ZRF Defence Director kaphlum

CCPur, July 30, 2014 (HT): Zani hmasa July 28, 2014 zan dar 11:30 vel khan KNO/ZRF Defence Director ni lai mek K. Nengzamuan @ Nicolas (36) s/o (L) K. Khamzaneng chu ralthuom chawi pawl khatin B. Vengnuam-a a chengnain sunga a zalna khum bulah an kap hlum.

Shillong HSA Annual Games & Sports 2014

Shillong, July 30, 2014: Zinga khin Shillong-a Hmar Students’ Association (HSA) huoihotna hnuoi-ah HSA Annual Games & Sports 2014 chu Jingkieng Ground Sports Complex-ah zing dar 10 anthok nei ning a tih.

Damdiei-ah medical camp

Damdiei, July 30, 2014: Liemtah Thawṭanni July 28 khan ICDP (RPCNEI)-Parbung Area huoihotna’n Damdiei khuo-ah Medical Camp/checked-up nei a ni a, hi tak a hin mi 135 chuong medical check-up nei a nih.

SHDC chairman a umna vengin sorkar quarters-a insawn dinga phut

By Henry L. Khojol

Aizawl, July 29, 2014: Aizawl Khatla Bungkawn Vengthar Local Council le NGO hai chun Hmingchunghnung, Sinlung Hills Development Council (SHDC) chairman chu an Veng-a inthawka insawnsuoka sawrkar quarter-ah um dingin an phut.

Police inspector kuomah meth damdawi lak ni a hril

Aizawl, July 29, 2014: Mizoram Excise & Narcotics department (END)-in July 20 zantienga Vaivakawn (Rangvamual road)-a Methamphethamine (Meth) an man neitua intum laia pakhat chun, Meth hi Aizawl SP hnuoia District Special Branch (DSP)-a inspector pakhat kuoma inthok a lak thu a hril.

Hi chungchanga hin police thuneituhai le END hotuhai chu inrem tumin an inbiek mek niin ei thu lakna chun a hril.

END hai hin Vaivakawn-ah meth mum 10,000 an man a, a neitua intum mi pathum - Thangbuanga (k/ 41) s/o Sapdela (Khawzawl Vengthar), Lalrammawii (k. 37) d/o Thangzuala (Champhai Bethel Veng) le R. Lalrinsangi (k. 36) d/o R Vanlalrema (Upper Republic) hai khom an man nghal a nih.

R. Lalrinsangi hin END enforcement hai hma-ah meth chu Aizawl SP hnuoia DSB-a inspector pakhatin a pek thu a hril a, police inspector khom thukhawchang indon fel a ni ta thu hril a nih. END-in police inspector man phalna Special Court-ah an hni angin Court chun phalna a pek a, amiruokchu an la man hri naw a nih.

DSP-a inspector hin July 23, 2014 khan special judge Lucy Lalrinthari kuomah ‘anticipatory bail’ a hni a, ‘interim bail’ pek a nih. Zani khan anticipatory bail hi ngaituo a ni a, amiruokchu anticipatory bail chungchanga hin thutlukna siem ni loin, interim bail potsei lem a nih.

Sorkar ukil hai hrildanin, police hai chun R. Lalrinsangi hin puotieng mi a sor niin an hril a, police le END hotuhai chu inbiek an tum thu hrilin, "Ṭha taka inbiekrem an tum lein anticipatory bail pek naw ding thu a khom Court-ah kan ṭhang taluo naw a nih,” tiin an hril.

Hienglai zing hin July 21-a END thusuok chun, July 20-a meth an man hi Burma anthoka lak, Aizawl-a zor ding, an zor suok hmaa an man pek niin an tarlang a nih. Excise thusuok-ah hin ruihlo neituhai hming tarlang a ni nawh.

Court-in ‘meth’ neitu kum 4 lung-in intang dinga hrem

Aizawl, July 29, 2014: Methamphetamine damdawi, Chiahpuam ti a hriet lar, a kol leia man Burma Tahan khaw suok Khenthanga (k. 47) s/o Ramhleia chu special judge Lucy Lalrinhari chun kum 4 lung-in intan ding le Rs. 5,000 chawi dingin a hrem.

Phulpui naupang pahni ruong hmu tah

Aizawl, July 29, 2014: Mizoram Phulpui khuo naupang pahni – Lalrinpuia (k. 13) s/o Lalbiakdika le Lalrosanga (k. 12) s/o Vanlalpana hai chu zani chawhma dar 10:30 vel khan Tuirivang vadung-ah an thuomhnaw hmuna thlang lok-ah a thi saa hmu an nih.

Sumo motor changsuolnaa ṭhang mi 2 hai ruong hmu tah

Aizawl, July 28, 2014: Kar hmasak Zirtawpni July 25 zing dar 6 vela Mizoram-a Sairang pel Buichali leilak bula Sumo changsuol, Tlawng vadunga tla luta chuong hai ruong la hmu lo pahni hai chu zani khan hmu a ni a; vadunga tla ve tho ni a ring second-driver chu vadung-ah a tla ve naw a, an in a tlung ta niin ei thu lakna chun a hril.

Phulpui naupang pahni an inhmang

Aizawl, July 28, 2014: Kar hmasak Inrinni July 26 khan Mizoram Phulpui khaw naupang Lalrinpuia (k. 13) s/o Lalbiakdika le Lalrosanga (k. 12) s/o Lalpanliana hai chu Mizoram-a Tuirivang vadung kama Lalrosanga hai huona fe chu an inhmanga, zani chen khan zong hmu an la ninaw a, vadung-ah an tla ni dinga ring a nih.

CIHSR-ah satellite cancer centre hong ding

Mumbai, July 28, 2014: Mumbai-a Tata Trust chun Dimapura-a innghat Christian Institute of Health Science and Research (CIHSR)-ah ‘satellite cancer centre’ hongna ding sum ṭhangpuina a pek niin ei thu lakna chun a hril.

Kumtling loa pom chin sukhnuoi ding

New Delhi, July 28, 2014: Poitawkna le dan bawsietnaa inhnamhnoi, naupang kumtling loa ngai chin bithliena chu sukhnuoi tum a ni thu ei thu lakna chun a hril.

Rapper Ja Rule-in a testimony a hril

New York, July 28, 2014: Amirican rapper hlawtling tak pawl Ja Rule chun a piengthar dan tulai hnai khan a hril suok a, insiemtharna le pawltharna a chang thu hai a hril bawk.

India: Khawvela mi rethei tamna tak

New Delhi, July 28, 2014: Economy-ah nasa taka inṭhangin, GDP lien tieng khom 3-na lai nisienkhom, khawvela mi rethei tamna tak chu India hi a nih.

Police han Zu le Beer ṭhahnemtak an man

CCPur, July 27, 2014 (HT): Mr Emmanuel Fimate, MPS, SDPO, CCPur inrawinain zani sun dar 12:00 vel khan Police han New Bazar Bus parking area laia uoulau (open) taka zawr Zu hai an dap a.

Police remand in July 28 chen Custody-ah

CCPur, July 26, 2014 (HT): Hmar Women Association (HWA) Rengkai Unit in Singapore-a mi umpui (domestic help) dinga Mynmar rama mi ṭhuoiluttua intuma an man Mrs Thienghlim w/o Changa of Rengkai chu zanikhan Chief Judicial Magistrate (CJM), CCPur hmaah inlangtir a ni a, Police han la kawl dinga an ngen leiin Police remand in CJM chun July 28, 2014 chen Police Custody-a la um nawk phawt dingin a rel.

Naupang ṭek-in a deng hlum

Parbung, July 26, 2016: Voisun chawhnung 2:30 vel khan Parbung-ah kum 14-a naupang Lalṭhasang s/o Lalhrilmawia chu Parbung Helipad-a football an inhnel lai ṭek-in a deng hlum niin chanchin ei lo dong.

Mithi ruong hmu le inzawma condemnation

CONDEMNATION
Tarik 24th July, 2014 zana tu ti hriet ngailo han Thingchawm (Thingchom tiin an ziek) le Saikul inkar Khuga Canal (left side) a Thingchawm khawsunga hmelhriet ngailo pasal pahni an hung that hi keini Thingchawm Village Authority chun kan dem thu hi News fethlengin kan huong puong.

Tuta hnung Thingchawm area sunga hiengang thil thaw nawk ta lo dingin mi tuelkhawm Pathien hmingin kan hung ngen.

Sd/-
J. Lalpienglien (Chief)

Sd/-
Lalrosang (Secretary)
Thingchawm Village Authority

---

Office of the
SIELMAT VILLAGE AUTHORITY

CONDEMNATION
July 25, 2014 zingkara Sielmat area sunga inthatna um kha Sielmat Village Authority chun a ditnaw in a dem hle. Hiengang thil hi tuta hnung tu pawl khawma thaw nawk ta ngai lo dinga ngenin kan hung inhriettir cheu.

Sd/-
Lalhmunhlun
Secretary,
Sielmat Village Authority

HWA ṭhuoitu-han Tamu an pan

CCPur/Tamu, July 25, 2014 (HT) Hmar Womens’ Association (HWA) Gen. Hqrts. ṭhuoitu-hai chu Human Trafficking le inzawma nuhmei 2 Myanmar ram sunga intang le um mek hai hnung suizuiin zani (July 24, 2014), 10:00AM khan Tamu, Myanmar panin an suok.

Mi pakhat bo, a umna chin hrietlo

Shillong, July 26, 2014: Meghalaya-a East Jaintia Hills district huom sunga Khliehriat a khawsa mek Joseph Lalhmangai Tusing s/o Pastor Rodawnglien Tusing of Saikot, Manipur chu liemtah Thawṭannni July 21 khan a umna hriet chin a ninaw thu ei thu lakna chun a hril.

HWA inrawinain Rangoon-a chavai nuhmei pahni hai hung ṭhuoitlung

CCPur, July 26, 2014 (HT): Singapore-a mi umpui (domestic help)-a ṭhang ding tia mi ṭhenkhat hmalaknaa Rangon (Myanmar) ram chen ṭhuoiluta um, sienkhawm mumal lo taka khawsa Rengkai mi nuhmei tleirawl kum 14 le kum 17 mi hai chu zani hmasa zan sawt hnung khan dam takin Churachandpur hung ṭhuoitlung an ni tah.

NH-150 thu a BRTF C.O.le Tipamukh Area VA Union hai inpawlna

Date 19th July, 2014 in Village Authority Union chun ei lampui National Highway `150, a bik takin hmarbiela BRTF sin thaw dan chungthuah C.O. inpawlpuina nei a nih.

HWA Sielmat Unit in No. 4 zawr 2 an man

CCPur, July 26, 2015 (HT): Zani zantieng 3:30PM vel khan Hmar Women Association (HWA) Sielmat Unit chun Sielmat khawsunga inruithei No. 4 zawrtu mi pahni an man.

Mizoram-ah thla 6 sungin mani inthat 53

Aizawl, July 26, 2014: New Life Charity Society (NeLICS) chun, tu kum January-June thla inkar sung mani le mani inthat mi 53 an um tah niin an hril.

HWA Lamka Unit ṭhuoitu thar hai

CCPur, July 26, 2014: Hmar Women Association (HWA), Lamka Unit ṭhuoitu thar (2014- 2017) ding thlangna a um a, President dingin Lalhmasuon, Vice President dingin Miss Rebec Siemlien, Sercretary in Darrokim, Asst. Secretary in Lalrengliani, Finance Secretary in Lalsanhim Kholum le Treasurer in Hrilrawnkim hai thlang an nih.

Information Secretaries Zone-I in Lalchullo, Zone-II in Ramsiem, Zone-III in Lalthangliani le Zone-IV in Thangrokim hai thlang an nih.

Mizo ṭhalai 400 chuong Football hmangin fak zong: Thanzara

Aizawl, July 26, 2014: Mizoram minister Lal Thanzara chun, Mizoram puotieng football inkhela fakzong Mizo ṭhalai 400 chuong an um thu a hril a, ruihlo suok thar ‘Methamphetamine’ laka nasa taka inveng a ṭul thu a hril bawk.

SDPO rawiin Special Drive an thaw

CCPur, July 26, 2014 (HT): Zani hmasa zan dar 6:30 vel khan Mr Emmanuel Fimate, MPS, SDPO, CCPur inrawinain CCPur Police han Old Bazar, Super market area-ah Special drive an thaw a.

Chawlhhmun-in an dem; ngaidam inhni

Aizawl, July 26, 2014: Chawlhhmun Local Council le YMA, MHIP, MUP le VDP hai chun thusuok siemin, liemtah July 18-a Chawlhhmun ram sunga Zarzoliana le PC Lalhruaitluanga haiin sungkuo pakhata pa tak khitde a, a nuhmei an pawngsuol chu a lungsen thlak hle thu an tarlang.

July 30-ah AMC sorkar thar lak lut ding

Aizawl, July 26, 2014: Zani khan Aizawl DC Dr. Franklin Laltinkhuma chun inhriettirna suksuokin, Aizawl Municipal Council (AMC) sorkar thar ding chu July 30 khin lak lut a ni thu a hril.

Mizoram police motor bomb-tu kan nih: HPC-D

By VK Pakhuongte

CCPur, July 26, 2014: Zani khan Hmar People's Convention Democratic (HPC-D) chun thusuok siemin, Thawlenni July 22 zingkar dar 2:30 bawr vela Aizawl-a Sinlung Hills Develepment Council (SHDC) chairman Hmingchunghnung a in bawl kawllaia Mizoram Police motor bomb-tu kha keini thaw a nih, tiin an inpuong.

Mizoram-a Hmar hai ngirhmun hriltlang ding

Aizawl, July 25, 2014: Hung tlung Inrinni July 26 sun dar 11:30 anthoka zantieng dar 4:30 sung khin Mizoram Hmar Welfare Committee (MHWC), Mizoram sunga Hmar Students' Association (HSA) le Aizawl khawpuia Hmar mi hlun tak tak hai leh Mizoram sunga Hmar hai ngirhmun hriltlangna nei dingin Zemabawk Berawtlang-a Cultural Building-ah inthungkhawmna nei an tih.

Khuga Dam JAC-in PM kuomah zuolko

CCPur, July 25, 2014: Khuga Dam project Joint Action Committee (JAC) chun India prime minister (PM) kuoma lekha thonin, kum 2010 November 12-a Congress party president Sonia Gandhi-in a hong Khuga Dam Project bawlna chungchanga sum hmangdan fel famkim nawna tam tak a um thu hrilin, sukfel a ni theina dingin a mimal inrolna an ngen.

SIPHRO counters Manipur CM's claim

PRESS RELEASE
(July 25, 2014)

The Chief Minister (CM) of Manipur Okram Ibobi, who is also in-charge of Finance Department, in his budget estimates presentation for 2014-15 in the State Assembly on July 15, 2014 informed the House that Construction of Lungthulien (Manipur) to Vanbawng (Mizoram) road taken up under the Inter State Connectivity Scheme (ISCS) has been completed. (Refer: The Sangai Express; Imphal, July 16, 2014, Wednesday; Vol: XV/294 - Front Page)

Churachandpur-ah ruong 3 hmu

CCPur, July 25, 2014: Voituk khan Churachandpur-a Thingchom khuo kawllai mi pahni ruong hmu a ni a, pakhat dang chu Sielmat ṭongṭaina tlang lampui-ah hmu a nih.

NEC fund-a dingin Rs. 6,108 crore riruong

New Delhi, July 25, 2014: Twelfth Five Year Plan (2012-17) sunga North Eastern Council (NEC) fund a dingin India sorkar thlungpui chun cheng Rs. 6,108 crore a riruong ti Development of North East Region (DoNER) minister VK Singh chun Nilaini khan Lok Sabha a hril.

MPLC rules buoipui mek

Aizawl, July 25, 2014: Mizoram Liquor Total Prohibition (MLTP) Act, 1995 thlakna ding The Mizoram (Liquor Prohibition and Control) Act 2013 chu hmang a ni theina dingin Rules duong mek a ni a, State danga an thawdan hai inchuk chieng hmasak tum a nih.

Heroin leh bomb detonator man

Aizawl, July 25, 2014: Mizoram excise & narcotics department hnuoia Anti-Narcotics Squad chun July 23 zantieng 4:20 vel khan Zemabawk A-L Road-ah heroin gram 47 an man a, a chawitu Thanliandinga (k. 21) s/o Laithanṭhianga, Champhai an man bawk.

Bekanthu hme leiin mi 30 an damnaw

Aizawl, July 25, 2014 (HT): Zanikhan Bekanthu hme leiin Aizawlah mi 30 an damnaw pha a, Hospital hran hran panpui an ni a, mi 2 ICU-ah sie an ni a, a danghai chu an ngirhmun a ṭha. Bekanthu hme hi mi 35 an ni a, mi 5 hai chu iengkhawm an ti nawh.

Sairang bul-ah Sumo motor chesuol

Aizawl, July, 2014: Voituk dar 6 vel khan Sairang hnaih Buichali bulah Silchar pana fe Sumo motor a tlan liem a, tui an tling leiin Sumo hi tui-ah a pil niin ei thu lakna chun a hril.

Pasalṭha Muol siemna ding lung phum

Aizawl, July 24, 2014: Zani khan Mizoram Law Commission chairman John Siamkunga, MLA chun a biel sung Denlung ram-ah “Pasalṭha Muol” siemna ding lungphumna a nei. Pasalṭha Muol siemna ding ram hi hmun rem tak, bu tin 5 hmun neka zau niin ei thu lakna chun a hril.

Naga tlangval thattu 4 police-in kol mek

New Delhi, July 24, 2014: Zani khan Delhi Court chun July 21 tuk, khawvar hma deua Delhi khawpuia Naga tlangval kum 29-a upa Akha Salouni thattua intum police hai i man a 4-na chungthu chu relin, nikhat sung police hai kol dingin phalna a pek niin ei thu lakna chun a hril.

Kawnpui-ah nupa ruong hmu

Aizawl, July 23, 2014: Aizawl khawpui anthoka km 54 vela hla Kawnpui-a Banglaveng-a um Jerry Lalnunpui @ Tetuna le a nuhmei Zoduhawmi @ Maduhi hai ruong chu hmu a ni a, chawhnung dar 3:30 vel khan an ruong hi lak suok fel niin Kawnpui-a an in-ah lak lut a ni hnungin post-mortem dinga pek a nih.

Guwahati-in rel chawlna hmun pahni dang a mamaw

Guwahati, July 23, 2014: Guwahati rel station-a infrastructure chu a ṭha hun tawk naw lei le mipui le rel fe-le-hung hai thunun olsam zuolna dingin rel chawlna hmunpui pahni dang ala mamaw ni a hril a nih.

Guwahati-a IIT infrastructure sukṭha zuol

Guwahati, July 23, 2014: Kum 50 chin-a khawvela inchukna hmunpui thlang suok bik 100 laia inlang phak ve ngat Guwahati-a Indian Institute of Technology (IIT-G) chun a batch 20-na hai lo lawm lut dingin a infrastructure hai chu siemṭha-in a sukṭha zuol niin ei thu lakna chun a hril.

State ramri chungchang-ah inbiekna nei

Aizawl, July 23, 2014: Mizoram sorkar le Tripura sorkar palai hai chu zani khan Silchar-ah an ramri chungchang-ah inbiekna an nei a, State ramri chungchanga harsatna hrang hrang hai an hriltlang.

CCPur-Sugnu lampui siemṭhatna hnatlang

Imphal, July 23, 2014: Voisun hin Singngat biel MLA Ginsuanhau Zou le Sangaikot MDC Tongkhokai Baite inrawina hnuoi-ah Churachandpur le Sugnu lampui siemṭhatna sin thaw dingin hnatlang ṭan ning a tih.

A naunu a pawngsuol leiin kum 7 intang ding

Aizawl, July 23, 2014: Zani khan Gauhati High Court, Aizawl Bench chun Zohmingthanga-in a naunu kum 12 mi a pawngsuol leia kum 7 sung Jail-a intang dinga hrem a nina chu a namnghet.

AFSPA ennon lo ding

New Delhi, July 23, 2014: India hmarsak biel le Jammu & Kashmir-a helpawl hai dona dinga India sorkar-in kum 1958 anthoka khuokhirna dan a siem Armed Forces Special Power Act (AFSPA) chu ennon ninaw nih, tiin Lok Sabha inhriettir a nih.

Shillong HSA platinum lawmna-ah Semikah vocalist

Shillong, July 22, 2014: Hung tlung ding September 25 khin Shillong-a Hmar Students' Association (HSA) chun HSA kum 75 a tlingna lawmna hun nei dingin nasatakin an inpuocha mek a, hi HSA Platinum Jubilee hmangna a hin Hmar nau hlasak thiem tak tak hai khom an fiel tum niin ei thu lakna chun a hril.

Manipur sorkar-in zu khapna dan hlip nuom

Imphal, July 22, 2014: Manipur sorkar chun Excise department anthokin sum lamlutna a pung theina dingin Manipur sunga kum 1999-a zu khapna dan sie Liquor Prohibition Act chu hlip an tum thu a hril.