Petrol man hi August 14, 2014 zanrila inthawk litre khatah Rs. 1.89 peia sukhnuoi ning a ta, Delhi a chun Petrol litre khatah Rs. 2.18 peia sukhnuoi ning a tih tiin Oil Minister Dharmendra pradhan chun a hril.
Thautui man international rate a hung tla hnuoi leia Petrol man hi sukhnuoi tum a nih tiin India rama fuel retailer lien tak le Chairman, Indian Oil Corporation, B. Ashok chun a hril. Petrol man hi control ni lo, haptakar hni dan peia a man hi kaisang le tla hnuoi thei a ni a, August 1, 2014 khan petrol man sukhnuoi a ni a, August 15, 2014 a khawm petrol man ennawn nawk ning a tih. Chun, international price le rupee le dollar inthlengna rate khawmin
thautui man kaisang le sukhnuoina hin maw a phur a nih.
August 1, 2014 khan petrol man chu litre khatah Rs. 1.09 a suktlawm a ni a, tuhin Delhi ah Petrol litre khat ah Rs. 72.51 a nih. Diesel man ruok chu thla tin paise 50 peia sukpung dingin sawrkarin a rel a, Diesel man suksang nawk dan ding chu September 1, 2014 ah ennawn nawk ning a tih tiin B. Ashok chun a hril.
Loading....