Hi huna hin Mr P.K. Jha, DC, CCPur le Langkhanpau Guite, Chairman, ADCC hai chu guest honour le functional president in an ṭhang.
Health Minsiter in hi huna thu a hrilnaa chun, phairam (valley) a Medical college um theina dingin ram 15-25 acres a lien a ṭul a, tlangram (hill) a chun acres 10 chena lien khawm a thei tiin a hril. Hi le inzawm hin Hyderabad Public India Undertaking a inthawk JK Kunkani le Rajendra han ama inrawinain District Hospital campus bakah department ram hai inkhiin measurement an lak thu, SIB office chen le Chiengkon vadung chen chu Medical Department ram a ni a, hienghai le hin Medical Department chun ram 10 acres a nei tling leiin Medical College ei nei thei ngei ka beisei tiin Pu Tonsing chun a hril a. Medical College ei nei theina dinga mitin ṭhangruol dinga ngenin Medical College ei nei theina dinga mimal (private) ram lak a lo ni khawmin compensation ṭha taka pek ning a tih tiin a hril.
India ram pumpuia Blood Donation day hmang a ni le inzawma Blood donation camp-a midang hai damna dinga inro lova thisen pe phaltu DC le SP ei nei chu lawmum a ti thu a hril. Manipur Congress sunga buoina neu neu um thua hung inzin Congress Working Committee (CWC) permanent invitee Luizinho Faleiro chun, Centre-a sawrkarna siemtu BJP an ni leiin state tum tuma Congress (I) party member hai chu inrem taka um le ṭhangruol hun ani thu a hril tiin P. Tonsing chun a hril.
Market Shed hawng thara um chu New Lamka mi hai chau ta ni lovin a hmangtu taphawt ta a nih tiin Minister chun a hril.
Loading....