Delhi Hmar Premier League final

New Delhi, August 6, 2014: Kum 2006 anthoka kumtina nei hlak Delhi Hmar nauhai ta dingin football infiemna Hmar Students Association (HSA), Jt. HQrs, Delhi-in a huoihot hlak "Delhi Hmar Premier League" (L) Fimlunghnem Memorial Trophy 2014 ni tawpni chu Inrinni August 9 chawhnung dar 3 khin DDA Sports Complex, Vasant Vihar khelzawl-ah nei ning a tih.

Final match a hin Muvanlai FC le Hmarthlipui FC hai inkhing an tih.

Hi tournament hi famtah Pi Fimlunghnem hrietzingna dinga HSA Delhi Adviser Nk. Elizabeth Varte-in a sponsor a ni a, tu kum first prize a dingin Rs. 15000 a thawlawm bok a nih. Chun mimal lawmman hai hi Tv. Samuel Joute (former General Secretary HSA Delhi)-in a sponsor bok a nih.

Final match ṭan hma hin mipui i tung le nghakhla em em Papui Veteran hai le Tlangval Senior haiin exhibition match nei bok an tih.

HSA Delhi chun, mi tuelkhom inkhel en dingin an fiel thu an hril a; Final Match-a inkhel ding team pahni - Muvanlai FC le Hmarthlipui FC) haiin final match en dinga fe hai po po hai ta dingin a tlawnin fak ding voksa le sizo hmepok inhnik tawk tak an buotsai bok ding thu a hril.

DHPL 2014 ni tawpni hin HSA Delhi khomin fak thei chi hrang hrang - kawm kuva, artui, singzu, cold-drinks, le a dang dang zor an tum thu ei thu lakna'n a hril.

DHPL 2014 hi thla hmasak July 19 anthoka ṭan a nih.