CIHSR director Dr. A. Abraham Joseph chun hi thu hi July 26 Inrinni khan CIHSR conference hall-ah hrilin, CIHSR-a inchuklai hai chu CMC Vellore-ah medical physics le radiotheraphy technician-a dingin training pek an ni hlak ding thu a hril bawk.
Joseph chun, cancer natna invoi hai enkolna kong-ah CIHSR le Kolkata-a Tata Medical Centre hai chu an thoktlang ding thu a hril bok a, CIHSR-a diagnostic test an thaw thei naw hai chu Kolkata-ah thaw a ni hlak ding thu a hril.
India sorkar thlungpui le North Eastern Council (NEC) anthoka sum ṭhangpuina an hmu anthokin CIHSR-ah allied health science/regional institute for paramedecal science hong a ni ding thu Joseph chun a hril bok a, kumtin course 2/3 hong bel pei tum a ni thu le kum 3-4 hnung-ah course 12 inchuk thei ding hong hman a beisei thu a hril.
CIRSR direct chun, university-in a pompui chun kum 2015 anthokin graduate course hong dinga hma lak a ni mek thu a hril bawk.
