CCPur police ha’n rakzu le chol man

CCPur, August 6, 2014: August thla hi Churachandpur-a zu dona thla anga puong a ni angin, nitin deu thaw’n CCPur police haiin hmun hrang hrang-ah dappui thaw-in tuchen hin bucket 300 chuong rakzu an man tah niin ei thu lakna chun a hril.

Churachandpur-a zuo dona sin thaw ṭan anthokin CCPur police hai chun tuolsung zu chauh naw khom India siem zu le ‘beer can’ tam tawk tak an man tah a nih. Zani zan khom khan SP K. Kabib inrawina hnuoi-ah Kumuzamba Meitei Leikai-ah dappui an nei a, in pathum anthokin truck 3 sip ding bucket 300 chuong rakzu an man a nih.

An i man zu hai le chol an dapsuok hai leh peihawn vong a nih.