Nunghak tleirawlte pawngsuol

Imphal, April 18, 2014: Kum 65 a upa Imphal-a um S. Mapuni an ti chun nunghak tleirawlte kum 13 mi chu zani Lok Sabha inthlang buoi lai khan hmun fienriel-ah ṭhuoiin a pawngsuol. Ama pa hi Imphal-a Paomai Colony a cheng a nih.

Ei thu lakna hrildan chun, hi putar hin hun sawt anthok khan hi tleirawltenu hi alo beisei taa, Inner Manipur Lok Sabha inthlang ni khan tleirawltenu sunghai kuomah Delhi-a um a naunu hminga vote inthlaktir dinga tiin a ṭhuoi pek a. Inthlangna hmuna chun ṭhuoi loin Koirengei hmun fienriela in pakhat-ah ṭhuoiin a pawngsuol ta a nih. Hi tleirawltenu chu inṭhiin tu kuoma khom hril dok lo dingin a, tleirawltenu chun ṭap pumin a nu kuomah a hril ta tho tho a nih. Pawlsuoltupa chun a nu khom chu inṭhiin chanchinbumihai inhriettir lo dingin an ṭhi bok a nih.

Amiruokchu, tleirawltenu nu chun huoitakin chanchinbumihai hmaa chun a naunu pawngsuol ani thu a puong a, pawngsuoltupa chun a hriet phingin a tlanbo a, tu chen hin man ala ni nawh. Police station-ah thubuoi siem pek a nih.