OC rawiin zu le Beer tam tak an man

CCPur, August 20, 2014 (HT): Zani sun dar 11:30 le zani zantieng 1:00PM inkar sung khan Mr M.A. Salam, Inspector, OC Police Station inrawinaa CCPur Police han Gangpimual, New Lamka le Rengkai area haia Zu an dapnaah Zu le Beer thahnemtawk tak an man.

Zu le Beer an man hai hi Rs. 50,000 vel manhu ni dinga hisap a ni a, zani zantieng 5:00PM khan tuolsung chanchinbu reporters hai hmuin an bunthlak vawng.

Zu le Beer an man hai lai hin Can Beer-308, Beer & Grape Wine bottle 62, Old Monk (Rum) bottle 1 le rakzu litres 120 a thang.

August 18, 2014 zan dar 7:00 vel khan SDPO, CCPur le SDPO Thanlon inrawina hnuoia Police le VDF han Lighthouse Lane, Super market, Zoveng le Thengra Leirak lai an dap naah Zu litres 40 vel dapdawkin an man a. Zu inrui mi 5 an man bawk. Zurui an man hai chu tha taka thu an hril hnungin PR bond in an inthlasuok nawk.