TOPICS

Browse news based on the categorised topics:

DHWA-in bank account inhlemna laka fimkhur dinga ti

Posted by Lalremlien Neitham

New Delhi, August 18, 2014: Delhi Hmar Welfare Association (DHWA) chun voisun khan thusuok siemin, tulai chanchinbu le social networking sites a hai Bank Account hmanga inhlemna pung pei thu le a tuortu chauh ni ta loa eini mi-le-sa lai a thawtu an um ve tah ni a hriet a ni leiin mitin fimkhur dingin inhriettirna a siem.

DHWA chun, “Bank Account hi mimal identity pakhat ve a ni a, ATM/Cheque/Electronics hmanga mi dang hmang le chalai thei dinga siem lo ding a nih,” tiin an tarlang.

“Mi dangin an hmang a, inhlemna le sumdawngna indiklo a um a ni chun a hmangtu nekin an hmangtirtu khan maw a phur hmasalem a nih,” tiin inhriettirna a chun an tarlang bok.

Inhlemna-a “lottery i man a, i account le details hai hung hril rawh” ti amanih, “chulai khalai Bank-ah sum tamtak ka nei a, chu lak suokna dingin i account min haw tir la chu zat kha zat percent i ta dingin” ti hai hi awi ngailo dingin DHWA chun an hril.

“Lungril ṭha tak put a, midang account lo inhmangtir/ inchalaitir hai chun a’n rang thei anga account suktawp/closed hmak a him tak,” tiin infuina siemin, sorkar danin a khap chin tah hai chu unau laina khawm ni hai sienla DHWA thiltum leh a’n mil naw leiin san a, ṭhangpui nekin dan ang taka bawzui ni lem an tih, tiin inhriettirna a chun an tarlang.


SHOW YOUR ADS HERE

Blog, Updated at: 5:00 PM

RECENT NEWS

RECENT COMMENTS

Blog Archive