TOPICS

Browse news based on the categorised topics:

HSA Platinum Jubilee Celebration Committee thurel

Posted by Lalremlien Neitham

CCPur, August 16, 2014: Liemtah Thawleni August 12 zan khan HSA Platinum Jubilee Celebration Committee (HSAPJCC) chu inṭhungkhawmin, mipui hriet dingin an thurel poimaw hai chu inhriettirna siemin an tarlang.

HSAPJCC inṭhungkhawmna a chun, hung tlung ding August 23 khin HL Daka Memorial Hall-ah “One Day Career Conference” nei dingin an rel a; September thla sung ngei Pherzawl-ah HSA Platinum Jubilee Library Hall bawl zo hman dingin an rel bok.

Platinum Jubilee Committee chun, “Platinum Football Tournament” huoihotna a ṭhang thei ding JHQs le Branch hai chun September 30 bo hmang ngeiin PJCC secretary Joseph L. Infimate annawleh event coordinator Lalvullien kuoma inhriettir dingin inhriettirna an siem bok.

Thla nawk September 6 khin HSA Plainum Jubilee Publishing le inzomin CCPur-a Hmar khuo tin fangin “Corner Street Campaign” nei dingin an rel a, HSA member haiin mani motor seng chawiin ṭhang seng dingin an ngen nghal bok.

HSAPJCC thusuok chun, September thla anthok “Platinum Star Hunt” nei ṭan a ni ding thu inhriettirna a siem a; LRS Puruolte design HSA Platinum Puon le Muffler hai chu an pom thu an tarlang bok a nih.


SHOW YOUR ADS HERE

Blog, Updated at: 11:01 PM

Receive updates by e-mail

RECENT NEWS

RECENT COMMENTS

Blog Archive