Sakari Momoi hi kum 1903 February 5 khan a pieng a, zirtirtu sin anthoka bang a nih. Kum 1948-51 sung khan Fukushima Prefectural Technical High School-ah president hmasatakin a ṭhang a, kum 1952-59 sung khan Saitama Prefectural Yono High School-ah principal sin a chel bok a nih.
Khawvela pasal mihring upa taka Guinness World Records-in a hrietpui New York (USA) mi Alexander Imich chu June thla khan kum 111 le ni 164 a niin a thi a, Sakari Momoi hi a nekin nikhatin a naupang lem a nih.
Zanita Guinness World Records-in chawimawina an inhlanna-ah Momoi hi a wheelchair anthokin a ṭhungna ding hmun-ah ṭhangpuina boin an ṭhung a nih. Momoi chun, lekhabu tiem, abikin Chinese poety, a’nhnik thu a hril a, calligraphy khom a thaw hlak niin a hril bok. Momoi hin nau 5 a nei a, tuhin Tokyo khawpuia nursing home-a um a nih.
Khawvela mihring laia upa tak chu Japan mi tho, pitar kum 116-a upa Misao Okawa a nih. Ama hi Osaka a cheng a nih.
Japan rama hin kum 100 chuong mi 54,000 vel an um a; khawvel rambung laia mihriem damsung hun sawt tak ram niin, pasal hai chu kum 80.21 an dam a, nuhmei hai chu kum 86.61 an dam tlangpui ni a hril a nih.
