TOPICS

Browse news based on the categorised topics:

Sinlung Music Conferment Award hmasatakna

Posted by Lalremlien Neitham

CCPur, August 15, 2014: Tuta thla tawp Inrinni August 30 khin Sinlung Entertainment Project (SEP) huoihotna’n “Sinlung Music Conferment Award” hmasatakna ding chu Saikawt Youth Club Hall-ah zan dar 6-in nei dinga riruong a nih.

"Sinlung Music Conferment Award" hi chi 15-a ṭhe niin, hi zan hin chawimawina hai chu inhlan ning an tih. Chawimawina inhlanna prokram-a hin artist ṭhahnem tawk tak hai anthok khomin talent show, short drama, live band performance hai inentirna nei bok an tih.

Hi chawimawina huoihottu SEP chun, talent show le live band inentir nuom hai ta dingin kot lientak a la’n hong zing thu hrilin, August 20 chen-ah mobile number 8014331592 le 8413027153-a hai hming peklut thei zing a la ni thu an hril.

A hmun-ah prokram en dinga mitin fielin, SEP chun, "Ennuom tuhai ta dingin ticket khom siem a ni a, mi pakhat-ah Rs. 50 peia inchawk thei a ni thu an hril bok.

SEP chun, sun huna “Traditional Choir Competition” um dinga ti chu khuo/veng tin-ah information/form pek nihai sienkhom a ṭhang thei ding khuo pahni anthok chauhin hmu an leiin ṭhul a ni thu an hril.


SHOW YOUR ADS HERE

Blog, Updated at: 3:58 PM

RECENT NEWS

RECENT COMMENTS

Blog Archive