August 12 anthoka Assam-Nagaland ramri laia buoina suok-ah Assam mi 11 velin an chan pha tah ni a hril a ni a, Assam-a Golaghat district-ah mi 10,000 chuongin an chengna in le khuo hai chu an tlansietsan ni a hril a ni bok.
Nagaland CM TR Zeliang-in Ṭhawṭanni a Dimapur-a programme a hmangna-ah, Assam-a Adivasi mi ha’n August 15 khan Golaghat hmun-ah parliament secretary Phaiwang Konyak venghimtu Naga mi 9 an hrentang ti thuthar thedartu hma-ah a hril a, Assam sorkar chu mipui lungsen khuokhir thei lo-ah a'n tum a nih.
CM Zeliang chun, Naga mi hrentangtu Adivasi mi hai chun dan phal lo thil an thw a nih, tiin Assam CM Gogoi khom a’n hriettir tah thu le Gogoi-in theitawp suoa hma a lak ding thu a kuoma a hril thu a hril. Zeliang chun, ni 4 hnunga khom Naga mi hai chu insuo zalen an ninaw thu hrilin, sorkar thuneituhai chu an chinchang ngaiven dinga tir an ni thu a hril bok.
Loading....