Union environment minister Prakash Javadekar chun August 24-a UPSC preliminary exam nei ding chu riruong lawk angin fepui a ni ding thu hrilin, tukum bik-ah sorkar-in riruongna a lo siem laklaw tah, CSAT-II mark merit list-a inṭhangtir lo chu hmang ning a tih, tiin a hril.
Exam petuhai chun UPSC exam pattern thar ditnaw leiin hun iemanichen anthok khan nuorna an lo huoihot tah a, Parliament inpui 2-a khom hi buoina lei hin rorel hlei thei loin member hai an khekbuoi ta bok a nih.
Thawṭanni khan sorkar thlungpui chun riruong thar a siem hi a puong a, amiruokchu hi hin exam petuhai le inpui 2-a eptu pawl hai a suklungawi zo naw a, UPSC exam pattern anthokin CSAT chu pei dingin an phut a nih. Hi baka hin exam petuhai chun preliminary exam nei hun hi son tlat an phut bok a nih.
