Hi thila inhnamhnoi mi 5 man an ni a, damdawi phurna motor Bolero MZ 01 H 7168 khom hrentang a nih. Hi motor neitu hi Lalrozara (Bungkawn, Aizawl) ta a ni a, ama hi Mizoram Congress party spokesperson le media department-a secretary ni lai mek a nih.
A motor man thu le inzomin Lalrozara chun thusuok siemin, a motor hmanga damdawi phur thu hi police haiin an inhriettira, a Bolero hi rental charge-in mi hmang dingin a pek hlak niin a hril. Tum phur an ni a, iem an phura ti hai a hrietpui ngainaw thu a hril bawk.
“Tu chen hin ka driver hin ka motor an hmangna hi amin lan hriettir naw a, harsatna an tuok hnung hin thil umzie hre tumin police station-ah ka va ngaiven a, police officer hai chungah ṭawngkam mawilo hmang anga an hril hi ka hmang le hmangnaw chu an ni ngei hrilfie dingin ka phut,” tiin a hril bawk.
