Hi vaipa hi ni 2-3 vel Pallel lai inlon kuolin a micromax mobile phone chun mi inlon lai a lak a, an man ni hin Pallel bazaar laia thlai zortu nuhmei hai thla chu a rukin a lak bok ni a hril a nih.
Nuhmei thla a lak an hriet hin, nuhmei ruol chun hi vaipa hi manin, a mobile chu an en pek a, a thlalak a hai chun nuhmei hai awm bawr, mongtam a lak hai chu an hmusuok a nih. Hi zo hin nuhmei ruol chun vaipa hi a hmuna hin an vuok bok a nih.
Pallel police hai chun thiltlung an hriet le inruolin a hmun-ah an fe nghala, vaipa chu manin, Kakching police station-ah an sie lut a nih.
Pallel Keithel Marup Nungshi-a secretary Devi chun, hi thiltlung chungchang zawna a sangna-ah, hieng ang thil hi a tlung ta nawna dingin nuhmei hai chun hma an lak a ngai tak meuh thu hrilin, sorkar khomin hieng vai hai anthokin Manipur nuhmei hai venghim dingin hma la dingin a hril a; Manipur-ah Inner Line Permit (ILP) khuokhirna sie dingin a ngen nghal bok a nih.
