Chief Justice G. Rohini le Justice R.S. Endlaw hai kuomah an report thelutin, DLSA chun May le July thla sung khan Delhi khawpui hmun hrang hrang-ah Northeast mi hai harsatna thu le inzomin inhrilhrietna hun hai hmang a ni thu an hril bawk.
DLSA report dungzui chun, Delhi-a North East mi cheng hai inhoi an ti theina ding le an thla a muong theina dingin DLSA chun kum 2014 anthokin North East mi lawyer 7, nuhmei 5 le pasal 2, hai chu ruoi ṭan a tih. Anni hai hi North East mi hai rawn thei ding bakah an resource person a ding khomin hmang ning an tih,” tiin an hril.
A report-in a hrildan pei chun, “Summer lai khan NE mi hai ta dingin special drive – Para Legal Volunteers Training – nei a ni a; India hmun hrang hranga University 37 anthok inchuklai 250 vel an ṭhang a, NE anthok khomin inchuklai 18 an ṭhang bok a nih,”tiin a hril.
Hienglai zing May thla-a Tis Hizari court sunga NE inchuklai ṭhuoitu le lawyer hai vuok hronna thubuoi le inzoma inhnamhnoih Delhi lawyer 2 hai lak-ah khom ‘contempt petition’ thelut an ta a, an chungthu hi hung tlung ding July 23 khin court-ah ngaithlak ning a tih.
