Zani khan Aizawl Bungkawn Vengthar YMA hall-ah thu hrilin, C. Ngunlianchunga chun, "Dr BD Chakma hi July 24 khan Guwahati-ah minister Lalrinmawia Ralte leh an riek a, July 25-ah Aizawl panin a suok a nih. July 25-a Vairengte-a bu a fakna receipt khom hmu ding a um. Chakma Convention nei ni July 26 hin Aizawl-ah a um tah a nih," tiin a hril.
C. Ngunlianchunga hrildanin, Mizo Zirlai Pawl (MZP) ha’n Boropansury-a “Zofate Chawlhbuk” an bawl ding leiin Chakma NGO ha’n MDC bye-election boycott an tum chungchang-ah all party meeting an ko leiin Dr. BD Chakma chu a ṭhang ngei a, amiruokchu bye-election boycott ṭha a ti naw thu a hrillang a nih. Nisienkhom, meeting-a ṭhang a tam lemin inthlang boycott an nuom leiin Dr. BD Chakma ditdan chu a tlang ta naw a nih, tiin a hril bawk.
