Mizoram sorkar thusuok tarlang danin, CM Lal Thanhawla chun Bru raltlanhai Mizoram-a an hung kir theina dingin sorkar-in theitawp a’n suo thu home minister a hril a, “Theitawp kan insuo laiin Bru hai hi an hung kir nuom naw a, riruongna a thlawn hlak a nih. Chuleiin, Mizoram mipui khomin hrietthiem harsa an ti hle tah a nih,” tiin a hril.
Mizoram-a hung kir nuom lo Bru hai chu Mizoram electoral roll anthoka pei chu Election Commission of India (ECI) khomin a pompui tah thu hrilin, Lal Thanhawla chun, home secretary chun hi chungchang-ah hin ECI hotuhai dawr a, an rang tienga hma la pek dingin a ngen a nih.
