Delhi Police-a NE palai hai ta dinga training programme

New Delhi, August 20, 2014: Hung tlung ding August 29 khin Delhi Police huoihotna hnuoi-ah Delhi Police-a India hmarsak mi palai hai ta dingin nikhat sung aw ding “training-cum-refreshers’ course” nei ning a tih, tiin IGP Robin Hibu, nodal officer for North East region chun a hril.

Hi programme hi SPUWAC conference hall, Nanakpura-ah nei ning a ta; Delhi Police-a NE palai hai kuomah rent laws, labour lawrs, legal basic rights, forensic reports, etc hai hrilhrietna hai nei ning a ta, dan-le-dun lekha poimaw dang dang khom sem ni bok a tih.

Deputy labour commissioner NK Gaur-in Labour Law (non-payment of salary, harassment, dismissal, etc) chungchang hrilna hun nei a ta; DSLSA secretary Dharmesh Sharma-in basic rights (FIR/NCR, victim compensation, landlord tenant rights, etc) thupui hril a tih. Social Welfare Department khomin Delhi khawpuia social welfare hmalakna hrang hrang hai hrilhrietna hun nei bok an tih.

IGP Robin Hibu chun, Delhi Police-a NE State hrang hrang aiawtu ding ruot thar nawkna a dingin Delhi khawpuia hmarsak pawl hrang hrang haiin an mi thlang hai hming le thlalak hai chu August 25 chen-ah CAW Nanakpur office-ah pe lut dingin inhriettirna a siem nghal bok.