Kolasib SP lak-ah FIR thelut

Aizawl, August 7, 2014: Zofa Welfare Organisation (ZWO) chun Assam Police le Forest miha’n nikum February 5, tukum April 23 le 27-a Bairabi le Buhchangphai leilet-a bukte an ṭhia chungchang suichieng dinga Court-in an hriettirna chu Kolasib SP, Rishi Pal-in a bawzui ṭhanaw a ngaiin a lak-ah FIR an thelut.

ZWO tarlang danin, Bairabi le Buhchangphai-a Assam sorkar thuneituhai chet dan chu Scheduled Castes and Scheduled Tribes (Prevention Atrocities) Act, 1989 bawsietna a nih, tiin ZWO chuan, Cr.PC Section 190 hmangin January 24, 2014 khan Additional District & Sessions Judge III, Aizawl-ah complaint an thelut a nih.

Additional District & Sessions Judge chun June 23, 2014 khan Kolasib SP, Rishi Pal kuomah inhriettirna pe-in, ZWO thu intlun chu suichieng ding le a suichiengna chu ni 30 sunga Court-ah thelut dingin a ti a; amiruokchu Kolasib SP hin hma a lak sunzom naw ni a hre-in ZWO chun Aizawl Police Station-ah FIR a thelut tah a nih.